एक जना नासु तहका कर्मचारीले खातामै ४ करोड रुपैंया घुस बुझेको भेटिएको छ । अख्तियार दुरुपयोग अनुसन्धान आयोगका अनुसन्धानको क्रममा पुरातत्व विकासमा कार्यरत सहायक पथ प्रदर्शक देउकला अधिकारी यस्तो बदमासीमा मुछिएका हुन ।
बिज्ञापन
आयोगको खातामा चार करोड २२ लाख रुपैयाँ घुस डिपोजिट गरिएको भेटिएसँगै उनीसँगै पुरातत्व विभागका सिडीई पूर्णबहादुर श्रेष्ठविरुद्ध अख्तियारले मुद्धा दायर गरेको छ ।
बिज्ञापन
आयोगका अनुसार,निर्माण सेवा प्रालि नामक कम्पनीले पुरातत्व विभागबाट विभिन्न कामका क्रममा ६४ करोड २१ लाख रुपैयाँको ठेक्का पाएको र ठेक्का बापतको ४ करोड २२ लाख रकम घुसको रूपमा अधिकारीको खातामा राखिदिएको अख्तियारको आरोप छ । अख्तियारको अनुसन्धानबाट यसरी घुसबाट प्राप्त रकमले नुवाकोटमा तीन कित्ता गरी १५ रोपनी जग्गा र काठमाडौंमा साढे तीन आना जग्गा संयुक्त रुपमा खरिद गरेको अनुसन्धानबाट खुलेको छ । यसरी यी दुई कर्मचारीले घुसवापत पाएको उक्त रकमबाट जग्गा खरिद, सुन खरिद, विभिन्न व्यक्तिलाई भुक्तानी समेत गरी सम्पत्तिको गैरकानूनी स्रोत लुकाउने, रूपान्तरण तथा हस्तान्तरण गर्ने कार्य गरेको हुँदा सम्पत्ति शुद्धीकरण अन्तर्गतको कसुरमा समेत मुद्धा दायर गरिएको अख्तियारले जनाएको छ ।
बिज्ञापन
